天王黎明（Leon）一连九场的香港红馆演唱会前晚（11日）进行第二场，Leon首场个唱已请来林海峰做嘉宾，更大爆黎天王不断爆金句，惹来全场爆笑。而第二场Leon则请来郑秀文（Sammi）担任嘉宾，二人更高歌一曲〈信者得爱〉之余，Leon更与Sammi分享减肥心得，Leon自爆他的Keep Fit之道就是自创风吕式减肥法，在家浸住浴减肥，就连Sammi听完后都觉得好有画面，引得全场爆笑。（文：黎永乐　图：相关机构）

一向歌精舞劲的Sammi在社交网上载在红馆后台的视频，并留言：「今夜再踏入红馆。搵返自己曾留下的脚毛。脑?马上浮现两年前在这里兴奋举行Follow mi。」她又说想起跟全场观众疯狂舞动疯狂high的时候，真的感到超开心，又谓下一个演唱会又有下一个演唱会的新意念。而Sammi唱〈信者得爱〉时，Leon都有跟着又Rap又跳，令现场观众睇得相当兴奋。

浸浴食辣麵爆汗

众所周知，Sammi十分勤力做运动，经常分享满头大汗片段到社交平台，她一出场，Leon就跟她分享「出汗」心得，他说：「Sammi，你做运动Keep Fit好勤力，我见你流好多汗。咁你知唔知我点Keep Fit？（你有Keep过Fit咩？）有。（係喎，Fit咗喎！）我係用日本风吕式。（即係点？）首先开个Bath。（除唔除衫？）除衫，然后浸落去。（哗，好有画面喎！）谂住自己喺日本，听风吕音乐浸20分钟，起身着返件浴袍，房入面开28度空调，食碗辣麵，坐15分钟，成身流晒汗，肯定冇咗三至四磅。（包你流埋鼻血添呀！）唔会啩？（每个程序都咁热辣辣。）」

Sammi：好有画面

Sammi又笑说：「又浴缸又除衫，好有画面，见到你啲肥肉呀！依家冇，依家好Fit！」Leon说：「肥肉会慢慢变少，水分嚟啫！」Leon再向Sammi请教节食减肥，他说：「有啲人减肥，每日只食一粒豆，你有冇试过？」Sammi说：「一粒豆？减肥？呢个唔係减肥法，係减寿法喎！一日一粒豆真係唔掂，起码食两粒，早晚各一粒，饱啲！」Sammi续说：「好多人都以为我不断减肥，其实我依家做嘅功课唔係减肥係Keep Fit，做运动和食得健康，最紧要健康，肥嘅瘦嘅都唔紧要。今日嚟到呢个舞台见到你，依然咁靓仔！」

爆黎明应承拍MV反口

讲到兴起，Sammi爆料：「我要爆黎明少少嘢，佢唔知由几时开始个人好飘，好迷离。几年前佢打电话俾我，话想帮我监製一首歌。我心谂：乜你识监製歌嘅咩？心里满是疑问，不过见你係黎明就好啦！然后你搵咗你老友又係我老友Mark（雷颂德）帮我写咗首歌〈犀利〉，我记得你仲话要帮我拍MV。MV？于是我上网查吓你拍过咩MV。点知有一日，你又话我知唔得闲，唔帮我拍MV啦！哗，乜你咁飘架？你啲节奏好难跟呀！」Leon坦言：「我知我成日讲嘢断片，生活都係咁。（啲人话生咗仔会无记性。）又唔係我去生。（生女可能会好啲。）可能係，哈哈哈！」

黎明已表明每晚开骚都会为入场粉丝带来欢笑。

黎明邀请郑秀文担任第二场红馆骚嘉宾。

黎明与郑秀文表演时又Rap又跳，全场观众睇得劲High。

胡枫都有来睇契仔黎明演出。

黎明在个唱表演时，也带来震撼的舞台效果。