庄思敏突然喺网上宣布同经理人公司提早解约，仲自称係「自由身」！有传庄思敏係因为不满经理人公司货不对办，所以先有咁嘅决定。噚日，庄思敏出席完韩国品牌活动后，喺网上宣布：「很高兴能够成为首位香港艺人代言韩国精华素，藉着这个有意义的日子，我也宣告一下，我跟中国3D数码经理人公司合约完成了，对呀！我现在是自由身呀。」

庄思敏突然宣布提早同公司解约。

去年，庄思敏与萧定一签约四年，之后仲大搞记者会，而庄思敏就大玩全裸，性感程度爆登。虽然庄思敏话希望拍多啲戏，但现实就未知理想，而公司亦无帮佢度身订造开戏，所以搞到庄思敏有啲微言。至于好多美容活动嘅工作，都係庄思敏自己接洽，然后再弹返畀公司。当被问到係咪觉得经理人公司货不对办？佢就话：「完咗约唔讲啦，我係开心离开。」