其实周国贤（Endy）与麦浚龙（Juno）早在2008年一齐拍旅游节目《日本东北咁过祭》时就成为好友，Endy道：「麦先生本身都好认真，但唔知点解撞落我度就好无聊，大家有一个好神奇嘅化学作用喺度。」Endy在2015年开骚时亦有邀请Juno做嘉宾，今次二人在《852FES Awaken Music Endy Chow．Juno Mak》再次同台，将会有很多新惊喜带给观众，其中Solo部分二人将会有各自的乐队演绎作品，开骚前两人亦不会知道对方的歌单内容，Juno透露：「应该要有两队唔同嘅band，甚至要有两边唔同嘅台，喺当中搵磨合点。」Endy亦认同两队Band的构思，说：「如果一队Band玩晒，各自唱一首，又互相唱下大家嘅歌係意料中事，但我哋好想有对垒嘅感觉，同时亦表现出一种惺惺相惜嘅音乐交流。」

（左起）周国贤与麦浚龙两人首次一起举行演唱会。（相关机构图片）