许廷铿（Alfred）日前于港式大排档现身派对与粉丝见面，派对以「大排档」作主题，Alfred与粉丝顺道见面聚会，他表示：「我其实好锺意食大排档，特别係啲香口嘅嘢食，因为中式大排档係圆枱，大家倾计好似方便啲，唔会分太多细Group。今次係第一次同粉丝去大排档，因为我女歌迷比较多，加上佢哋年纪比较细又温文，以前都係去Café或唱K，多谢佢哋今次陪我癫，去一个『佬』味比较重嘅Party。」Alfred在现场又被歌迷即席点唱，气氛热烈：「今晚其实都有好多海外粉丝参与，亦都好难得见到有啲年长嘅歌迷，平时少啲喺商场活动见到佢哋，反而有嘢食住、坐下气氛重好。头先佢地即席点唱拣歌都冇难到我，因为我都好锺意唱歌。呢晚气氛好好，歌迷比平时唱得再大声啲，希望第时都唔好怕丑，唔同嘅场合都会放胆『吶喊助威』，因为歌迷练咗咁多年歌艺应该唔会太差。」

许廷铿直言今次是第一次与歌迷去大排档。（相关机构图片）