叫得做首创，就梗係最正宗啦！嚟到司打口顺记新永宝火锅城，呢度老闆娘夏莲定（莲姐）一定介绍你食呢个招牌胡椒猪骨煲。店内还有新鲜爆膏的盐焗蟹、配啤酒一流的惹味小菜富贵炸芋片、椒盐龙脷仔及椒盐九肚鱼等等，街坊熟客们一边睇世界盃更食至舐舐脷。

（前方左二）老闆娘莲姐与一班街坊熟客早如老友记，大家每次来都叫满一枱佐酒小食，与莲姐边喝边聊。

世界盃期间特别多街坊来顺记捧场，一有入波全场欢呼好热闹。

老闆娘莲姐指猪骨煲最初是以碟头上桌，她忆述：「呢个餸係廿八年前我同老公谂出嚟嘅！嗰阵细细煲，入面有加花生。而家就有支竹、鸡脚入馔，以胡椒同秘製配方做汤底係想创新，猪骨都係日日新鲜嚟，严选猪脚嘅下截，贪佢有筋食落头，做呢行係要谂啲新鲜嘢吸引客人。新推出的盐焗蟹也一样，我哋用新鲜爆膏嘅奄仔蟹，都係我哋想试新嘢。」

以「始创澳门胡椒猪骨煲」做主打，廿八年来都是顺记的生招牌。

盐焗斗门奄仔蟹

盐焗蟹则选用斗门鹹淡水交界处的奄仔蟹，贪其一年四季都鲜甜肉质够靓、蟹壳带光彩。首先令蟹失去知觉，然后才去蒸焗蟹爪便不会断。将奄仔蟹放入热盐中焗熟，蟹肉带淡淡鹹味，肉质会较实净而蟹膏鹹香，边食边歎冰冻啤酒更是风味绝佳。莲姐指这道菜是即叫即做，需时半小时，呼吁大家嚟到好即刻点菜，以免久等。

盐焗蟹选用斗门鹹淡水交界处的奄仔蟹，肉质鲜味。

九唔搭八炒芋片

店内另一道菜本来叫「九唔搭八」，莲姐笑言是因为把多种食材混合同炒的缘故而命名。莲姐说：「这道『九唔搭八』亦係我哋做起先，讲起都廿年咯！起初用手切芋件，但做不出效果来；后来改良后用芋片，改名为锦鏽炸芋片。」材料除了芋片更有腰果、虾乾，炸完再椒盐，看起来又真的颇九唔搭八。

锦鏽炸芋片及椒盐龙脷仔皆是佐酒小菜之选。

info

顺记新永宝火锅城

地址：司打口火船头街223号

电话：2893 7808